BulSU nakiisa sa No to Plastic Policy

Inilunsad ng Sentro ng Edukasyon para sa Ekonomiya at Kalikasan (SEEK) ang ‘Friday is No Plastic Day’ sa Bulacan State University (BulSU), bilang pakikiisa sa panlalawigang panukala ng Bulacan--- ‘No to Plastic Policy’, noong buwan ng Pebrero.

            Layunin ng SEEK na mapangalagaan ang kalikasan kasabay ng pagkakaroon ng edukasyon na makatutulong sa mga estudyante upang makiisa sa pag protekta sa kalikasan.

Sa pagpapatupad ng “Friday is No Plastic Day”, pinagbawalang gumamit ng mga plastic cups, Styrofoam, plastic utensils ang mga tindahan sa loob ng unibersidad tuwing Biyernes. Sa halip sila ay gagamit ng mga alternatibong gamit tulad ng paper cups at stainless steel utensils.

Pangunahing naapektuhan ng ibinabang bagong regulasyon sa unibersidad ang mga tindahan sa loob ng BulSU. Ang pagbabago ay nagdulot ng pagtaas sa presyo ng inumin tuwing biyernes, mula sa 10php hanggang 12php. Iyon ay sa kadahilanang mas mahal ang presyo ng paper cups kaysa sa mga plastic cups.

Ayon kay Aurora Navaro may-ari ng Abby’s Express Burger na matatagpuan sa Federizo Hall, ayos lang sa kanila ang ibinabang kautusan ng administrasyon ng BulSU dahil ito ay nakatutulong sa kalikasan.

“Okay lang naman sa amin, hindi naman kasi nabawasan yung benta namin, tsaka tinangkilik talaga ng mga estudyante yung mga paper cups kahit na may dagdag presyo.” dagdag pa ni Navaro.

            Nauna nang isinulong ni Bise Gobernador Daniel Fernando ang plastic ban sa buong probinsya, na naglalayong mabawasan ang mga hindi nabubulok na basura sa Bulacan. Bilang pagtugon ng BulSU sinimulan ng ipagbawal ang paggamit ng straw at takip ng plastic cups sa buong unibersidad noong Enero. Maging ang ilang fast food chain sa Malolos ay naki isa na rin sa nilalayong ordinansa sa lalawigan.

            “We initiated this [pagbabawal ng plastic straw at takip ng plastic cups] dahil dagdag pangangalaga ito sa ating environment. Magandang simulan ng mga kabataan ‘tong drive, para magsilbi silang role model sa iba.” ani Evangelene Custodio, Vice President for Admimistration and Finance ng BulSU.

            Positibo din ang naging tugon ng mga estudyante sa nasabing pagbabago. “ Maganda yung programa kasi nakakatulong siya sa environment. In our little ways nakakagawa tayo ng mga pagbabago. Nakakatuwang malaman na nakakapag contribute tayo para sa campaign against climate change.” ani Januca Mendido ng BSBA 1E

            Samantala, ang tindahang mahuhuli na hindi sumusunod sa bagong regulasyong inilatag ng BulSU ay mawawalan ng permit na magtinda sa loob ng unibersidad. #Ruby Jean Ricafranca

BAMC 3A Raked Awards in Music Video Contest

Bachelor of Arts in Mass Communication 3A hailed not only music video (MV) of the year but two other awards in Music Video Contest at the College of Arts and Letters Night at the Hiyas Capitol Gym, February 17.

Ang buong klase ng BAMC 3A, habang bukas palad na ipinagmamalaki 

ang napagwagiang mga parangal sa nakaraang SiBul, kasama ang parangal 

sa Music Video making.

Though a neophyte in doing music videos, 3A proved that they can outshine their seniors as they were awarded not once but thrice.

They have won the MV of the year with the song “Everything you want” made by the Haribol Productions. They are also concluded Best Male Music Video “Kung Wala Ka” and Best dance video from the Clash Productions with “Good Girls Go Bad”.

“Hindi talaga namin ini-expect yun, lalo na kasali yung mga fourth year. Sobrang happy ako kasi talagang pinaghirapan naming yun, kumbaga bunga yun ng lahat n gaming pagod at hirap.” said Reynalyn Mariano producer of Haribol Productions.

On the other hand, the seniors from BAMC 4A also got the Best Female Video for their MV “Speechless” and Best Director and Art Direction all from the Naked Production of 4A.

Another junior from BAMC 3C got the following awards such as, Best Video with Message from the MV “How to Save a Life” of the Bipolar productions and Best in Cinematography with their MV “You Found me”

While the Best in Editing was awarded by another third year from BAMC 3B with their music video, “Tindahan ni Aling Nena.”

All the participants were given certificates and cash prizes for the winning music video production group.#Ruby Jean Ricafranca

CAL, pinarangalan ang nagwagi sa SiBul

Muling inihain ng College of Arts and Letter at Multimedia Division ang Sine Bulacan State University (SiBul), sa ikalawang pagkakataon, upang masukat ang talento ng mga mag-aaral ng naturang kolehiyo sa paggawa ng mini-serye.

Bigger. Braver. Bolder., ang naging tema ng ikalawang SiBul Festival na ipinapanood sa mga estudyante ng CAL, maging ng buong BulSU, noong ika-13 hanggang ika-15 ng Pebrero, sa Federizo Hall.

Lako,Flatline,Kuwit,Departure,Guillermo,Sergio,Garapon at NXX 704, ang mga pamagat ng screen play na pumasa at ipinalabas, matapos pumasa sa pagsusuri ng mga hurado.

Mas naging malawak ang sakop ng Sibul ngayong taon dahil noon ang mga junior at senior lang ang pinapayagang lumahok ngunit, ngayon ay bukas na ito sa lahat ng antas basta makapagpasa lamang ng script.

Naging mainit ang labanan noong ika-17 ng Pebrero, ang Night Party  ng mga estudyante ng Artes at Letras, kasabay ang  pag-aaward sa mga tao sa likod ng Sibul production.

            Nagtala ng pinakamaraming parangal ang SERGIO ng BAMC 4B, matapos nitong masungkit ang Best Screenplay, Viewers Choice Award, Best Direction/Director at Multimedia Division Choice Award, kung saan pinagkalooban sila ng tropeo at P3000.

            Nakuha naman ng Flatline ng BAMC 3A ang Best in Video Editing at Best in Actor sa katauhan ni Ervin Bermeo at si Roanna naman ng Departure ang nagwagi bilang Best Actress. At nasungkit naman uli ng BAMC 4A, sa mini-seryeng Garapon, ang Best in Audio Music.

            Samantala, iniuwi naman ng NXX 704 ang pinakatinitingalang parangal noong gabing iyon, ang Film of the Year, kasama ang Best in Cinematography.

            “The best ang SiBul ngayon, ramdam na ramdam ng mga estudyante. Ang ganda, ang gagaling talaga ng mga ka-maskum. Next year, sasali na rin kami,” ani ni Micah Jenessa Cruz, mag-aaral ng BAJ 3A.#Jovel Bautista

Estudyante ng Journ 3-A, pinarangalan

Limang mag-aaral ng Bachelor of Arts in Journalism 3A pinarangalan, sa kauna-unahang pagkakataon, matapos nilang mag-uwi ng karangalan mula sa iba’t ibang kompetisyon para sa unibersidad, noong ika-17 ng Pebrero sa Malolos Hiyas Convention Center.

Si Archival Mariano habang tinatanggap ang sertipiko ng karangalan da-

hil sa pagkapanalo niya bilang ika-apat sa On-the-Spot Essay Writing

contest sa National Press Club.

Tumanggap ng Certificate of Recognition sina Ann Lea Santiago at Archieval Mariano, na parehong nagwagi bilang 2^nd and 4^th placer, sa ginanap na National Press Club (NPC) Essay Writing Contest na may temang “The Politics  and The Press” na ginanap noong buwan ng Agosto, sa gusali ng NPC.

“Thankful pa rin kahit late na yung pagappreciate nila sa mga estudyanteng nagdadala ng karangalan.. Masaya kasi hindi nila hinayaang patunayan na tama ang column ko noon sa magazine”, pahayag ni Santiago.

Samantala, binigyang parangal din si Sherwin Jalotjot nang matamo niya ang ikalawang pwesto sa Filipino Copy Reading at Headline Writing Contest sa ginanap na ATSPAR Press Conference sa Microtel Inns and Suites, Cabanatuan City noong Nobyembre.

“Hindi ko naman expected 'yun, pero masaya ako na may gano'n nang recognition sa mga estudyante ng CAL. Magandang motivation 'yun para mag-strive pa ang mga estudyante sa pagsali sa mga contests and the likes”, ani Jalotjot.

Samantala, hindi man naparangalan sa gabi ng CAL night, binigyan din ng parangal sina Bearonica Leth Castro na nakakuha ng 1^st place para sa Editorial Writing at 3^rd place naman sa Development Community Writing (OSSEI) habang si Arna Catel Coronel naman ay nagkamit ng 4^th place sa  News Writing Organization of Student Services Educators, Inc. National Conference in Campus Journalism and  5^th  Writing Competition na ginanap sa Development Academy of the Philippines, Tagaytay City noong Pebrero 3 at 4.

“Hindi ako naniniwala na nakalimutan nila sa deans office yung certificates namin kaya hindi nila kami na awardan nung gabing yun, aminin na lang nila na hindi kasi nila kami kilala. Though naibigay naman yung certificates sa amin, iba pa rin yung narecognize ka nung CAL night, kasi parang lumalabas na sa papel na lang yung recognition.” ani Castro.

Sa Pangunguna ni Dr. Vic Ramos, Dean ng College of Arts and Letters (CAL), napagkasunduan ng administrasyon ng kolehiyo, kasabay ng pagdiriwang ng CAL night, na magbigay ng parangal, bilang pasasalamat na din sa mga mag-aaral ng Journalism na nakapagdala ng karangalan hindi lamang sa CAL kundi pati na rin sa buong unibersidad.#Florence Ambrocio

Mga aspiring Midya, nakaharap ang mga batikan sa larangan

LUNGSOD NG MALOLOS, Bulacan – Nakaharap ng mga mag-aaral sa Kolehiyo ng Artes at Letras (KAL) ng Bulacan State University (BulSU) ang ilang kilalang personalidad sa larangan ng pamamahayag at ‘entertainment’ nang ganapin ang 4th Media Summit sa BulSU Hostel noong ika-16 ng Pebrero.

"Gusto kong maging reporter kasi gusto ko" isa sa mga naging

inspirasyon ng mga CAL students  sa mga  ipinahayag ng guest

speaker na si Steve Dailisan ng GMA 7 sa 4th Media Summit

na ginanap sa BulSU Hostel

“Mass Media as Catalyst in Uplifting Social Awarness of the Filipinos” ang tema na pinag-usapan sa naturang proyekto na naglalayong imulat ang mga mag-aaral sa maaari nilang maranasan sa pinili nilang mga propesyon.

“Masayang makilala yung mga nasa field kasi mas naiinspire kami,” ani Ruby Jean Ricafranca

Ibinida ni G. Salvador Royales, and Radio Drama Director ng DZRH, kung paano sumulat ng iskrip ng isang kwento sa radyo, maging ang kaibahan nito sa ibang istorya, at kung ano at paano ang takbo ng buhay sa pamamahayag at panlilibang sa dyaryo.

“Pagdating sa drama, kailangang ma-entertain natin ang mga listeners, kasi radio creates  mood of the listeners,” ani ng batikang manunulat, “wag gagawa ng magandang istorya, kung walang makukuhang aral sa dulo nito,” dagdag pa nito bilang payo sa mga mag-aaral.

Binanggit din niya na karapat-dapat na maging sensitibo ang isang manunulat upang mapabuti nito ang kaniyang obra. Ito ay sa pamamagitan ng mga kritisismo na ibinibigay ng mambabasa at taga-pakinig.

Sa katunayan, ito ay kanya ring naranasan noong siya ay nagsisimula pa lamang sa kaniyang propesyon, kung saan madalas ma-redyek ang kaniyang mga istorya at saka niya pinagbuti ang trabaho.

Ikinuwento naman ni Steve Dailisan, isa sa mga reporter ng GMA 7, ang kanyang mga karanasan habang siya ay kumakalap ng mga impormasyon.

Ayon sa kanya, hindi lang glamoroso ang buhay ng isang mamamahayag. Ito ay sa kadahilanang may kaakibat na peligro ang trabaho ng mga ito, tulad noong nag-kober siya ng bangayan sa Mindanao.

“Ang reporter kasi more than just celebrity, kasi dito hindi ka pwedeng umarte at kailangan kapag nagbabalita nasa puso,” ani nito.

Ibinahagi rin niya na dapat bilang isang mamamahayag ay alam nito ang kanyang limitasyon o kung saan dapat  ito hihinto.#Elmar Cundangan

BulSU 16 na taon nang kampeon sa SUC’s III Olympics

Muling nadepensahan ng Bulacan State University (BulSU) Gold Gears ang kampeonato sa ika-16 napagkakataon sa ginanap na State Universities and Colleges (SUCs) III Olympics noong ika-16- 21 ng Disyembre sa Tarlac State University.

Ang koponan ng Sepak Takraw, na isa lamang sa grupo na naghakot ng medalya,

na nagpanguna sa BulSU,  nakaraang SCUAA III. 

Samu’t saring mga parangal ang napagwagian ng BuLSU mula sa iba’t ibang kategorya ng larong pampalakasan na pinaglabanan ng 13 kolehiyo sa ikatlong rehiyon.

Nasungkit ng naturang pamantasan ang 137 na ginto, 39 na pilak at 34 na tanso, dahilan upang maungusan nito ang mga katunggali.

Pumangalawa naman ang Central Luzon State University na nakakuha ng 31 na ginto, 46 na pilak at 47 na tansong  medalya habang tinamasa naman ng Nueva Ecija University of Science and Technology, na pumuwesto bilang ikatlo sa kabuuan, ang 20 ginto, 39 pilak at 17 na tanso.

“Napakasarap [ang pagkapanalo], deserving ang ibinigay na pagsisikap ng mga athletes, yung tiyaga at paghihirap nila,” ani ni Raquel Mendoza, ang Dekana ng College of Physical Education and Recreational Sports.

Ayon din sa kanya, bago pa man madepensahan ng pamantasan ang kampeonato ay dumaan muna ang mga atleta sa isang masinsinang pag-eensayo at pangangalaga sa katawan sa buong isang taon. Ibinida rin nito na humiling siya bago pa man magsimula ang nasabing paligsahan na sana ay manatili ang kampeonato ng koponan.

“Lagi kami [atleta] nagfofocus sa trainings, iniiwasan namin ang mga bawal,” hayag ni Cian Cristoper Diaz, tatlong taon nang manlalaro ng Sepak Takraw.

Dagdag pa ng ibang mga manlalaro, ibinibigay ng pamantasan ang kailangan nila sa abot ng makakaya nito, tulad ng bitamina upang lalong mapalakas ang resistenya ng mga manlalaro.#Elmar Cundangan

SOME still the defending Champ in Christmas Carol Contest 2011

Singing christmas carols with all their hearts, Society of Music Enthusiasts (SOME)of Sarmiento Campus proves that they are still the best chorale group as they outcast its eight contenders and bagged the championship  for the second time in the Christmas Carol Chorale contest held at Activity Center, Decemeber 14.

Society of Music Enthusiasts won the chorale championship for the second time.

“To God be the Glory! Siya talaga yung nagpapanalo sa amin. Simula pa lang nung practice, weve got all of this because of Him and of course yung patience and hardwork ng bawat isa sa amin.” Said Ivan Joseph Vargas one of the member of SOME.

Nine groups battled in the competition, each had the chance to sing their chosen christmas songs for the first part as a warm up followed by the contest piece entitled “ Pasko na,Gumising” which was sung by each group with one melody and hymn.

With their own piece of music, SOME gives different renditions to O come O YE Faithful, Joy to the World, Angels we have heard on High, The first Noel and O night divine as part of their tapestry of carols that outstand with the other groups.

“Puso sa pagkanta nung mga bata yung nagpapanalo talaga sa amin.”said Maridad Esguera adviser of SOME in their two treak win.

Meanwhile Bustos Campus “Yubalistas” got the first place followed by the College of Engineering “Inhinyero  Chorale” and College of Nursing “Lungs Chorale” at third place.

Winners receives tropies and cash prizes 20,000, 15,000, 10,000 and 5,000php respectively. While non winner also receives a consolation prize worth 3,000php. And the entire group receives a certificate of appreciation from the Cultural Afairs of Performing Arts (CAPA) who organized the event as part of their contribution at the BulSU 107^th foundation week.

On the other hand, College of Archiotecture and Fine Arts, “Glee Club”  receives two special awards as they won the Best in Choreography and Best in Costume while the Inhinyero Chorale snatched the Most discipline group award.

Certificate of Recognition from CAPA were also awarded to Meneses Campus “Kasibol Chorale”, SOME and Yubalistas.#Ruby Jean Ricafranca and Jovelyn Bautista