BAM 3E pinangunahan ang Talentadong CBA ‘11

Pinatunayan ng mga mag-aaral ng College of Business Administration ang akin nilang talent at galing matapos ganapin ang Telentadong CBA sa Heroes Park ng Bulacan State University (BulSU), Disyembre 6.

Ang paligsahan sa talento ay nilahukan ng mga mag-aaral ng nasabing kolehiyo, kung saan nakapaloob  ang kursong BS Business Administration major in Management (BAM) at Entrepreneurship (BAE),  at BS Accountancy (BSA). At pinangunahan ng Junior People Management Association of the Philippines.

Pinahanga ni Christina Bagani aka Athena ng BAM 3e ang mga manunuod at ang hurado, matapos niyang magpatawa at i-lip sync ang isang kantang nag-angat sa kanya upang tanghaling Talentadong CBA ng taon.

“Masayang- masaya [ako] at saka proud ako hindi dahil nanalo ako, kung ‘di dahil sa moral support na ibinigay ng mga classmate ko, lalong lumakas ang loob ko,” ani ni Christina Bagani.

Ayon din sa kanya, una pa lamang ay inaasahan niya nang manalo, ngunit noong may nag –fire dancing ay kinabahan siya dahil palagay niya ay mas magaling ito.

Sa katunayan, pumangalawa at tinalo ni Athena ang sumayaw habang may kasamang apoy na si Fire Lord sa katauhan ni James Dungca ng BAE 2b at sinundan ng Singing Diva na si Maria Josephine Danganan ng BSA 1B.

Tumanggap ang mga nagwagi ng tropeo at sertipiko kasama ang P3000 para sa nanguna, P2000 at P1000 naman ang sa dalawa, sa ikalawa at ikatlo. #Elmar Cundangan