CHE Students, nagpasiklaban sa Flaring CHE Students, nagpasiklaban sa Flaring

Muling nagpamalas ng husay at galing ang mga estudyante ng College of Home Economics para sa taunang Flair and Flame Battle of the Best Competition, noong ika-7 ng Disyembre.

Hollywood ang naging tema ng patimpalak na pinangunahan ng B.E.S.T, kung kaya’t ginaya ng mga kalahok and ilang sikat na artista at personalidad gaya nila Brad Pitt, Pepe Smith, Manny Pacquiao at marami pang iba.

Sa pangalawang pagkakataon, si Gerwin Calaya a.k.a Pacman, ang tinanghal na panalo matapos ipakita ang kakaiba at maayos na execution.

Habang nakuha naman ni Roland Pelayo at Kiko Dela Pena, ang ikalawa at ikatlong puwesto, ayon sa pagkakabanggit, matapos ibuhos ang galing sa pagbabalanse sa mga bote sa kanilang siko.

Muling bumida naman si Gerwin Calaya laban sa 9 na kalahok nang parangalan siyang Best in Costume at magkamit ng P300 bilang premyo.

Hindi man sinuwerte ang ilang kalahok ngunit, umuwi silang may bitbit na GSM Blue, ang naging sponsor ng patimpalak, bilang consolation prize.#Florence Ambrocio at Carla Hermoso